ازاي تحمي جهازك من الفيروسات والاختراقات ؟

إزاي تحمي جهازك من الفيروسات والاختراقات؟

في الزمن اللي إحنا فيه دلوقتي الكمبيوتر بقى جزء أساسي من حياتنا، سواء في الشغل المذاكرة أو حتى الترفيه.

وعشان كده لازم نحافظ عليه ونأمنه كويس من الفيروسات والاختراقات اللي ممكن تسبب لنا مشاكل كتير. فريق الهدي كمبيوتر جمّعلك شوية نصايح بسيطة وسريعة هتحافظ بيها على جهازك وتحمي بياناتك:

1. نزّل برنامج حماية (أنتي فايرس) كويس

أول وأهم خطوة! متسبش جهازك مكشوف. فيه برامج كتير مجانية ومدفوعة زي

Avast

Bitdefender أو Kaspersky. المهم تختار واحد كويس وتخليه دايمًا محدث.

2. خلي النظام بتاعك محدث على طول

سواء بتستخدم ويندوز أو غيره التحديثات مش بس شكل جديد دي كمان بتقفل ثغرات ممكن الهاكرز يستغلوها.

لما ييجي لك تحديث نزّله فورًا.

3. إياك تفتح لينكات مش مضمونة

لو جاتلك رسالة على الإيميل أو الفيسبوك بلينك غريب متفتحوش. كتير من الفيروسات بتيجي من اللينكات دي وبتكون متغطية في شكل مغري زي “شوف صورتك هنا” أو “كسبت موبايل”.

4. استخدم باسورد قوي ومعقّد

خلي الباسورد بتاعك مزيج من حروف كابيتال وصغيره أرقام ورموز.

ومتستخدمش نفس الباسورد في كل المواقع.

ولو مش هتقدر تفتكرهم استخدم برنامج إدارة كلمات سر زي LastPass أو Bitwarden.

5. ركّب فايروال أو فعّل اللي في النظام

الفايروال بيشتغل زي الحارس اللي بيمنع أي حد يحاول يدخل جهازك من غير إذنك.

معظم نسخ ويندوز فيها فايروال مدمج كل اللي عليك تفعّله.

6. ابعد عن البرامج المقرصنة والكراكات

البرامج اللي بتتسطب بـ”كراك” أو “سيريال مزيف” ممكن تكون محمّلة بفيروسات. اشتري البرامج الأصلية أو استخدم البدائل المجانية الآمنة.

7. اعمل نسخ احتياطي لملفاتك دايمًا

لو لا قدر الله حصل اختراق أو فيروس ضرب جهازك هتكون مطمّن إن ملفاتك محفوظة في هارد خارجي أو على Google Drive أو OneDrive.

الهدي كمبيوتر دايمًا في ضهرك

لو حسيت إن جهازك فيه حاجة غريبة أو بدأ يبقى بطيء بشكل مش طبيعي تعال فورًا للهدي كمبيوتر.

فريقنا الفني يقدر يشوفلك المشكلة ويحلّها بأسرع وقت وبأقل تكلفة.

هنستناكم تنورونا في اي فرع من فروعنا أو تقدر تكلمنا على واتساب او علي الخط الساخن .